﷽
میں کوئی گرافک یا ویب ڈیزائنر نہیں ہوں اور تو اور مجھے ایچ ٹی ایم ایل کی بیسک بھی نہیں پتا۔ نیٹ سے میری وابستگی کافی پرانی ہے مگر اپنی کم گوئی کی عادت کی وجہ سے زیادہ لوگوں میںاپنی واقفیت پیدا نہیں کر سکا۔
دسمبر 2010 میں بلاگ سپاٹ کا پتا چلا تو ویسے ہی بلاگ بنا ڈالا کیونکہ کسی دور میں میں شاعری کرتا تھا اسی کو شیئر کرنے لگا اب فونٹ کا مسئلہ بنا تو پاک ڈاٹ نیٹ پہ
یاسر عمران مرزا بھائی نے مجھے ایچ ٹی ایم ایل استعمال کرتے ہوئے پوسٹ میں جمیل نوری نستعلیق فونٹ لگانے کا بتایا مگر جو میں چاہتا تھا وہ مجھے حاصل نہ ہوا کیونکہ خود میرے پاس ہی جمیل نوری نستعلیق فونٹ انسٹال نہ تھا بہرحال وہاں سے مجھے میں ایچ ٹی ایم ایل کے ساتھ تجربوں کا شوق پیدا ہوا آخر گوگل نے
بلال بھائی کی بیاض کا راستہ دیکھایا وہاں سے ایک کتاب ملی جس سے مدد لی۔ اس کے علاوہ
عدنان شاید بھائی نے ایک ورڈ پریس کی تھیم شیئر کی تو اس کو ڈونلوڈ کر کے اس کے ایچ ٹی ایم ایل کا جائزہ لینے لگا اور جو سمجھ آے اس کو اپنے بلاگ سپاٹ میں ڈالنے کی کوشش کرنے لگا کہانی کافی لمبی ہے بس یہ سمجھیں کے 6 ماہ تک اپنے اس بلاگ کے ساتھ تجربے کرتے کرتے اور گوگل گوگل کے اس کو موجودہ شکل میں ڈالنے میں کامیاب ہوا ہوں۔
اس سانچہ میں اردو ایڈہٹر شامل ہے۔
جو دوست اس بارے میں جانتے ہیں ان کے لیے شاید یہ دس منٹ کا کام ہو گا مگر مجھے یہاں تک بنانے میں بھی چھ ماہ لگ گئے ہیں اس میں پاکستانی جھنڈے کی نسبت سے سبز اور سفید رنگ کا زیادہ استعمال کیا ہے اور کیونکہ اس تھیم کو بنانے میں گوگل انکل سے بہت مدد لی ہے اس لیے اس کو سبز گوگلو 1 بلاگ سپاٹ اردو تھیم کا نام دیا ہے۔
یہاں شیئر کرنے کا مقصد صرف یہ ہے کہ مجھے اس کو اپ گریڈ کرنے کے لیے تجاویز اور اس کی خامیوں کی نشان دہی کی ضرورت ہے آپ کے تعاون کا مشکور ہوں گا ۔
نوٹ: میرے ڈسپلے مانیٹر میں خرابی ہے برائیٹ نیس اور کلر بیلنس خراب ہے اس کے لیے اگر کہیں کلر وغیرہ ٹھیک نہ ہوئے
تو اس کے لیے میں آپ سے معذرت خواہ ہوں۔"محمد یاسر علی"۔
یہ تھیم پہلے والی سبز گوگلو 1 کا ہی اپڈیٹ ہے اس لیے اس کو ختم کر دیا ہے۔ امید ہے پہلے والی تھیم کی نسبت اس میں خامیاں کم ہوں گئی آپ کے تعاون کا بہت بہت شکریہ۔
